Logo

ReservationPolicy

አንድ መሪን አልቅሶና አዝኖ መቅበር በጣም ትልቅ ዕድል መሆኑን የውጭ መገናኛ ብዙኅን ጭምር እየገለጹ መሆኑንና ለተወሰነ ደቂቃ እንኳን አተኩሮ ለማየት የሚያስፈራው ቤተ መንግሥት ውስጥ ገብቶ የሐዘን ተካፋይ መሆን “ምን ሊባል ይችላል?” በማለት የሚጠይቁት ተባበሪ ፕሮፌሰሩ፣ በሕገ መንግሥቱ ውስጥ በግልጽ የተቀመጠውን ‹‹ሰላም፣ ዴሞክራሲና ልማትን እንገነባለን›› የሚለውን ድንጋጌ በሒደት እየበሰለ በመጣው የአስተሳሰብ ራዕይና መሠረታዊ የሕይወት እሴቶች የሚባሉት የፖለቲካ፣ የማኅበራዊ፣ የኢኮኖሚና አካባቢያዊ ሁኔታዎች ላይ ግልጽ እየሆነ የመምጣቱ ውጤት መሆኑን ተናግረዋል፡፡

በጠቅላይ ሚኒስትር መለስ ተነድፎ በተግባር ላይ ለማዋል ሁሉም ዜጋ እንደየድርሻው በመረባረብ ላይ የሚገኝበትን የትራንስፎርሜሽን ዕቅድ ለማስፈጸም ሁሉም ማሰብና ጠንክሮ መሥራት እንዳለበት የመከሩት ምሁሩ፣ ጅምሮች በተገቢው መንገድና በተቀመጠላቸው ጊዜ መጠናቀቅ ከቻሉ መሪው ሞቱ ሊባሉ እንደማይችል አስታውሰዋል፡፡ መሪዎች ሲያልፉ መሠረታዊ የሆኑ ሥርዓታዊ ቅሬታዎች አስጊ ሆነው እንደሚደቀኑ፣ ብዙ ጊዜ ወደ ኃይል ጥቃትና ወደ ችግር እንደሚወሰዱ ባለፈው ምዕተ ዓመት የሚታወቅ መሆኑን የተናገሩት ተባባሪ ፕሮፌሰሩ፣ መሪውን እያሰበ ጅምሩን ለማጠናቀቅ በሚንቀሳቀስ የኅብረተሰብ ክፍል ውስጥ መለስተኛ ቅሬታዎች ቢፈጠሩም፣ በውይይትና በሰላማዊ መንገድ የሚፈቱ መሆናቸውንና ይኼም የሰላም መንገድ መሆኑን አስረድተዋል፡፡